吴若希晒唯美巨肚写真 原来锺嘉欣系“偶像”

现正怀有第二胎嘅歌手吴若希（Jinny），昨晚于社交网晒出老公何兆鸿（Alex）嘅“见肚”相，笑指老公肚腩比自己嘅孕肚更大，呢日就轮到Jinny晒肚，佢上载一张大肚孕照，见佢以露脐装上阵，双手轻抚孕肚，脸上流露出幸福笑容，画面温馨。唔少圈中好友，好似锺嘉欣、杨潮凯都大赞佢系靓妈，Jinny即表示视锺嘉欣为榜样，又指希望出名影相叻嘅杨潮凯可以开“人夫摄影班”：“大师！可唔可以开办教人夫影相？我保证我夫君大人一定会系list入面。”